वैशाख १५, काठमाडौँ । शिक्षकहरूले काठमाडौँ केन्द्रित
आन्दोलनलाई थप चर्काउने जानकारी गराएका छन । नेपाल शिक्षक महासंघले आन्दोलनको
नेतृत्व गरिरहेकोमा हिजो आइतबार भएको झडपपछि आफूहरूमाथि भएको अत्याचारको प्रतिकार
गर्ने बताएको हो ।
महासंघका
अध्यक्ष लक्ष्मीकिशोर सुवेदीका अनुसार शान्तिपूर्ण आन्दोलनमा रहेका शिक्षक
कर्मचारी माथि भएको यो क्रूर दमनको विरोधमा हामी उभिने छौँ ।
महासंघले
आज सबै पेसागत संस्था, आम
शिक्षा सरोकार समूह तथा आम नेपालीलाई अपिल गरेका जनाएको छ । महासंघले जारी गरेको विज्ञप्तिमा
लेखिएको छ ‘नेपाली
शिक्षक-कर्मचारीहरू अग्रगामी विद्यालय शिक्षा ऐन बिना आफ्नो कार्यक्षेत्रमा
नफर्कने कुरा पुनः उद्घोष गर्दै देशभरका सबै शिक्षक-कर्मचारी साथीहरूलाई आफ्ना
साथीहरू माथि भएको यो अत्याचारको प्रतिकार गर्न अनिवार्य काठमाडौँ आइ आन्दोलनमा
सहभागी हुन जोडदार अपिल गर्दछौँ ।’
- न्युज बहार संवाददाता
