जेठ १९, काठमाडौँ । यात्रुको सहजीकरणका लागि नेपाल प्रहरीले दुई वटा बस चलाउने भएको छ।
आज
सोमबार सार्वजनिक यातायात सेवा यातायात व्यवसायीको आन्दोलनले अवरूद्ध
भएपछि नेपाल प्रहरीले दुई वटा बस चलाउन लागेको केन्द्रीय प्रवक्ता रमेश थापाले जनाएका
छन।
प्रवक्ता
थापाका अनुसार दुई वटा बस दुई वटा छुट्टाछुट्टै रूटमा चल्ने र नेपाल प्रहरीले
चलाएको उक्त बसमा यात्रा गर्दा भाडा तिर्नुपर्दैन।
पहिलो बसको
रूट नक्साल, बालुवाटार, टिचिङ, चक्रपथ, नयाँ बसपार्क, बालाजु, स्वयम्भू, कलंकी, बल्खु, सातदोबाटो, लगनखेल, जावलाखेल, थापाथली, माइतीघर, पुतलीसडक, जयनेपाल हल र पुन: नक्साल
घुम्नेछ।
अर्को बसको रूट नक्साल, रातोपुल, चाबहिल, गौशाला, एयरपोर्ट, कोटेश्वर, ठिमी, सल्लाघारी, सूर्यविनायकबाट फर्केर आउने र चाबहिल, सुकेधारा, चक्रपथ, टिचिङ, बालुवाटार हुँदै नक्साल पुग्ने जनाइएको छ।
गण्डकी सरकारले ल्याएको राइड सेयरिङ नियमावली खारेजीलगायत ७ बुँदे मागसहित यातायात व्यवसायीहरूले आजदेखि सार्वजनिक यातायात बन्द गरेका छन्। अहिले सरकार र यातायात व्यवसायीहरूबीच सिंहदरबारमा यस विषयमा वार्ता पनि भइरहेको छ।
- न्युज बहार संवाददाता
