फागुन ११, काठमाडौं । राष्ट्रपति निर्वाचन नजिकिए सगै राष्ट्रपतिको उम्मेदवार टुंगो लगाउन राजनीतिक
दलका नेताहरु आज पनि सक्रिय छन् । राजनीतिक दलका नेताहरु को आज पनि दौडधुप चलिरहेको
छ । सरकारको नेतृत्वकर्ता दल माओवादी केन्द्रले आज कांग्रेस, एकीकृत समाजवादी र जसपासँग
छुट्टाछुट्टै छलफल गर्ने र आजै साँझ पुरानो पाँच दलीय सत्ता गठबन्धनको संयुक्त
बैठक बस्ने तयारी गरेको छ ।
हिजो नेपाली कांग्रेस र माओवादी केन्द्रबीच छलफल भएको थियो । हिजोको उक्त छलफलपछि नेताहरुले पुरानो सत्ता गठबन्धन व्युँताउने विषयमा सहमति नजिक पुगेको बताएका थिए । सोही बैठकमा भएको कुराकानी अनुसार आज माओवादी–जसपा र माओवादी–एकीकृत समाजवादीबीच छलफल गर्ने तयारी गरिएको हो ।
बैठक राष्ट्रपतिको उम्मेदवार चयनमा केन्द्रित हुनेछ भने आजको बैठक पछी उम्मेदवार को बन्ने भन्ने बारेमा निर्णायक घोषणा हुन सक्ने स्रोतले बताएको छ। आगामी २५ गते हुने राष्ट्रपति पदको निर्वाचनका लागि १३ गते मनोनयन गरिसक्नु पर्ने प्राबधान रहेको छ ।
