.jpg)
फागुन
२५, काठमाडौँ। एक जना प्रदेश सभा सदस्य बिहीबार भइरहेको राष्ट्रपति निर्वाचनका
क्रममा लडेर घाइते भएका छन्।
मधेश
प्रदेशका सांसद रहेका गोविन्द न्यौपाने भोट खसालेर फर्किने क्रममा संसद भवनको सिँडीमा
लडेका हुन्। उनी के कारणले कसरी लडेका हुन् भन्ने खुलेको छैन।
न्यौपानेको
टाउकोमा चोट लागेको छ भने उनलाई उपचारका लागि नजिकैको सिभिल अस्पतालमा भर्ना
गरिएको छ।
सांसद गोविन्द न्यौपाने सप्तरी- ४ (१) बाट निर्वाचित भएका हुन्। उनी नेकपा एकीकृत समाजवादी का प्रदेश सभा सदस्य
हुन्।
- न्युज बहार संवाददाता
