भदौ २, काठमाडौँ । पार्टीलाई सुदृढ र
एकताबद्ध गर्दै जनतामा जाने अभियानको गृहकार्य भइरहेको नेकपा माओवादी केन्द्रका
अध्यक्ष पुष्पकमल दाहाल ‘प्रचण्ड’ले बताएका छन् ।
प्रचण्डले वि.सं.
२०५१ सालमा शहीद भएका तत्कालीन एकता-केन्द्रका केन्द्रीय सदस्य रामवृक्ष यादवको
स्मृतिमा आयोजित कार्यक्रममा बोल्दै यसो भनेका हुन । पार्टी मुख्यालय पेरिसडाँडामा
आयोजित कार्यक्रममा उनले स्थायी समिति बैठकमा खुला र गम्भीर छलफल गरिरहेका र पार्टी थप
सुदृढ गर्ने प्रक्रिया अगाडि बढाइएको बताएका हुन । उनका अनुसार केन्द्रीय समितिको
बैठकबाट व्यवस्थित कार्यक्रम र कार्ययोजना बनाएर अगाडि बढिने छ ।
माओवादी
केन्द्रले जनताका मुद्दाका रक्षाका निम्ति संघर्षको मोर्चालाई सुदृढ गर्ने उनले
बताए ।
नयाँ
गठबन्धनका कारण जनताका मुद्दा खोसिने हुन् कि भन्ने आशंका जन्मिएको बताउँदै उनले
जनताका मुद्दा रक्षा गर्न जनतामा जानुको विकल्प नभएको बताए ।
- न्युज बहार संवाददाता
