असार २०, विराटनगर । आफ्नो व्यक्तिगत इच्छा विपरीत पार्टी सरकारमा जानुपर्ने परिस्थिति बनेको नेपाली कांग्रेसका महामन्त्री गगन थापाले बताएका छन् ।

आज सञ्चार कर्मीहरूसँग विराटनगर विमानस्थलमा कुरा गर्दै थापाले व्यक्तिगत इच्छा विपरीत पार्टी सरकारमा जानुपर्ने परिस्थिति बनेको बताएका हुन् । 

उनले सञ्चार कर्मीहरूसँग कुरा गर्दै भने, ‘मेरो इच्छाले हुन्थ्यो भने अहिले पनि त्यही ठाउँमा हुन्थ्यो, यो सरकार बन्ने या नबने भन्ने कुरा व्यक्ति वा दलको कारणले हुँदैन रहेछ।’

सञ्चार कर्मीहरूको कांग्रेस ८४ सम्म प्रतिपक्षमै बस्छ भन्नु भएको थियो नि भन्ने प्रश्नमा उनले जवाफ दिँदै भने ‘अहिलेको परिस्थिति बनेको वर्तमान प्रधानमन्त्री पुष्पकमल दाहालको अस्थिरताको कारण नै हो, प्रचण्डले एमालेसँगै सरकार बनाएको ४ महिना पनि नपुग्दै अर्कैसँग लसपस गर्न हात खुट्टा पसारेपछि अहिलेको दुर्घटना निम्तिएको हो प्रचण्डको यति धेरै अस्थिर चरित्र नभएको भए अहिलेको अवस्था आउँने नै थिएन।’

• न्युज बहार संवाददाता