साउन १३, काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले रास्वपामा आबद्ध हुनु भनेको उम्मेदवार बन्नु नभएको बताएका छन् ।
लामिछानेले शनिबार काठमाडौँमा आयोजित एक कार्यक्रमलाई सम्बोधन गर्दै पछिल्लो समय रास्वपासँग जोडिएका सदस्यहरुले आफू नै मेयर, वडा अध्यक्ष वा अन्य उम्मेदवार हो भन्ने गरेकोमा आपत्ति जनाएका हुन् ।
रास्वपा साधारण समयमा बनेको पार्टी नभएको भन्दै सभापति लामिछानेले रास्वपा कसैलाई पोस्न, पाल्न नबनेको जिकिर समेत गरेका छन।
साथै उनले नराम्रो काम गर्ने पार्टीका नेताहरूलाई तत्काल कारबाही गर्ने स्पष्ट पारेका छन।
- न्युज बहार संवाददाता
