भदौ १९, काठमाडौँ । नेपाली क्रिकेटको स्तरोन्नतिका लागि रंगशाला बनाउन आवश्यक रहेको भन्दै यसका लागि पहल गर्न आफू तयार रहेको काठमाडौँ महानगरपालिकाका प्रमुख बालेन्द्र (बालेन) शाहले बताएका छन् ।
बालेनले एसिया कपको भारत र नेपालबिच श्रीलंकामा भएको म्याच प्रत्यक्ष हेरेका थिए । सोही म्याछ हेरेपछी उनले मंगलबार सामाजिक सञ्जालमार्फत यस्तो घोषणा गरेका हुन् ।
नेपाल सरकारले काठमाडौँ महानगरपालिका वा आसपासमा एक सय रोपनी जग्गा उपलब्ध गराउने हो भने क्रिकेट रंगशाला निर्माणमा काठमाडौं महानगरले पहल गर्ने उनले पनि बताएका छन् ।
- न्युज बहार संवाददाता
