भदौ २०, काठमाडौँ
। रास्वापा - राष्ट्रिय स्वतन्त्र पार्टीका सभापति रवि लामिछानेले विश्वका दिग्गज
खेलाडीहरुले नेपालको प्रशंसा गरेको सुनेर आँफुलाई गर्व लागेको बताएका छन ।
विश्वका दिग्गज खेलाडीहरुले आफ्नो देशका युवाहरुको प्रशंसा गर्दाको समयमा आफू प्रत्यक्षदर्शी हुन पाएकोमा गर्व महसुस भएको उनले बताएका हुन ।
एसिया कप क्रिकेटमा नेपाल र भारतबीचको प्रतिस्पर्धा हेर्न श्रीलंका पुगेका लामिछानेले बुधबार विमानस्थलमा फर्कने क्रममा आफू गौरवान्वित भएर फर्किएको बताएका हुन ।
खेलाडीहरूको मनोबल बढाउनको लागि लामिछानेले नीतिगत रूपमा आफ्नो ठाउँबाट सक्ने सहयोग गर्ने समेत बताए । उनले भने, ‘हामी यसको विकासको लागि हाम्रो परिधिभित्रबाट नीति निर्माणको तहमा छौँ । हाम्रो तर्फबाट साथ छ । हामीले संसदमा पनि यो कुरा राख्ने छौँ ।’
- न्युज बहार संवाददाता
