बैशाख २,
काठमाडौँ । शिक्षक सरुवा मापदण्डका लागि शिक्षा, विज्ञान तथा प्रविधि मन्त्री
सुमना श्रेष्ठले सुझाव माग गरेकी छन् ।
शिक्षा
मन्त्रालयले जिल्लान्तर शिक्षक सरुवा स्थगित गरी त्यसका लागि शिक्षक सरुवा मापदण्ड
बनाउँदै छ । यसका लागि प्रधानाध्यापक, शिक्षक तथा अन्य
सरोकारवालाहरूसँग शिक्षामन्त्री श्रेष्ठले छलफल गरेर सुझाव माग गरेकी हुन् ।
मन्त्री
श्रेष्ठले पहिलो चरणमा २०८० चैत ३० गते सातवटै प्रदेशका १३ जना प्रतिनिधि
प्रधानाध्यापकहरूसँग अनलाइनमार्फत संवाद गरेकी थिइन् । शिक्षक सरुवा मापदण्डसँगै
विद्यालय सञ्चालन तथा व्यवस्थापन मापदण्डका विषयमा प्रधानाध्यापकहरूले सुझाव समेत
दिएका थिए ।
मन्त्री
श्रेष्ठले आज विभिन्न प्रदेशका शिक्षकहरूसँग सुझाव माग गरेकी छन् । शिक्षा तथा
मानव स्रोत विकास केन्द्र मार्फत विभिन्न प्रदेश र समुदायका १३ जना प्रतिनिधि
शिक्षकहरूसँग सुझाव माग गरेकी हुन् ।
- न्युज बहार संवाददाता
