असोज २९, काठमाडौँ । आज नेपालीहरुको महान चाड विजया दसैँको दोस्रो दिन शक्तिपीठ तथा देवीमन्दिर हरुमा माता भगवती ब्रह्मचारिणीको पूजाअर्चना गरिँदै छ। दसैँको दोस्रो दिन ब्रह्मचारिणीदेवीलाई ब्रह्म विद्या शक्तिकी माताको रूपमा पूजाअर्चना गर्ने प्रचलन रहेको छ ।
नवरात्रको नौ दिनसम्म विभिन्न देवीहरुको पुजा गर्ने गरिन्छ। पहिलो दिन शैलपुत्री, दोस्रो दिन ब्रह्मचारिणी, तेस्रो दिन चन्द्रघण्टा, चौथो दिन कुष्माण्डा, पाँचौँ दिन स्कन्दमाता, छौटौं दिन कात्यायनी, सातौँ दिन कालरात्री, आठौं दिन महागौरी र नवौं दिन सिद्धिदात्रीको पूजा गर्ने गरिन्छ।
- न्युज बहार संवाददाता
