माघ २०, पोखरा । आज पोखरामा जारी २३औं संस्करणको आहारारा पोखरा गोल्डकपको उपाधिका लागि थ्रीस्टार क्लब र विभागीय टोली त्रिभुवन आर्मी बिच भिड्न्त हुने भएको छ । पोखरा रंगशालामा खेल दिउँसो २ बजेदेखि सुरु हुनेछ ।
सेमिफाइनलमा जावलाखेल युथ क्लबलाई १-० ले हराउँदै थ्रीस्टार क्लब फाइनल पुगेको हो भने सेमिफाइनलमा चर्च ब्वाइजलाई २-१ ले पराजित गर्दै विभागीय टिम नेपाल आर्मी उपाधि दौडमा सामेल भएका हो ।
यसअघि २०७५ सालमा आहारारामा अन्तिमपटक दुवै टिम सँगै भिडेका थिए । आर्मीलाई ट्राइबे्रकरमा ५-४ ले स्तब्ध पार्दै उक्त खेलमा थ्रीस्टारले उपाधि हात पारेको थियो ।
आहाराराको फाइनलसम्म त्यसयता दुवै टिम पुग्न सकेका थिएनन् ।
- न्युज बहार संवाददाता
