माघ २७, काठमाडौँ । नेपालले
क्यानडाविरुद्धको एकदिवसीय अन्तर्राष्ट्रिय क्रिकेटमा लगातार दोस्रो जित हासिल
गरेको छ । कीर्तिपुरस्थित अन्तर्राष्ट्रिय क्रिकेट मैदानमा नेपालले शनिबार खेलिएको
दोस्रो खेलमा क्यानडालाई चार विकेटले पराजित गरेको हो ।
ब्याट्सम्यान कप्तान
रोहित पौडेल,
देव खनाल र अनिल शाहले नेपाली
टोलीको जितमा तीन अर्धशतकको योगदान दिएका छन । नेपालले आजको जितसँगै तीन खेलको
शृंखलामा २–० ले अग्रता हासिल गरेको छ ।
आजको खेलमा नेपालले जित
सँगै ३ किर्तीमान बनाएको छ । यो जितमा तेस्रो विकेटका लागि उच्च साझेदारी, सर्वाधिक
छिटो अर्धशतक
र उच्च योगफलको
कीर्तिमान बनेको छ ।
अनिल कुमार साहले नेपाललाई सानदार सुरुवात दिलाउन १९ बलमा
अर्धशतक पूरा गरे । नेपालबाट यो ओडिआईमा बनेको सर्वाधिक छिटो अर्धशतक हो ।
कप्तान रोहित पौडेल र देव खनालले तेस्रो विकेटका लागि १५० रनको साझेदारी गरेका थिए । यो नेपालबाट ओडीआईमा बनेको तेस्रो विकेट र समग्रमा दोस्रो ठूलो साझेदारी हो ।
नेपालले ओडीआईमा २८६ रन पूरा गरेको यो उच्च योगफल बराबर हो ।
- न्युज बहार संवाददाता
