असोज १५, हान्झाउ (चिन) । नेपालले १९औं एसियाडका खेल मध्ये कबड्डीमा पदक जित्ने सम्भावना बलियो भएको छ ।
महिला कबड्डी टिमले आज सोमबार पहिलो खेलमा बंगलादेशलाई ३७-२४ ले हराएपछि नेपालको सम्भावना बलियो देखिएको हो । पहिलो पटक एसियाडमा नेपालको महिला कबड्डी टिमले सहभागिता जनाएको हो ।
१९औं एसियाडको दशौं दिन जारी रहँदा अहिलेसम्म नेपालले कुनै पदक जित्न सकेको छैन । नेपाल पदकविहीन हुने चिन्ता बढिरहेको समयमा महिला कबड्डीमा नेपालले पदकको आशा बलियो बनाएको छ ।
- न्युज बहार संवाददाता
