जेठ २८, काठमाडौँ । युरोपको अग्लो हिमाल ‘माउन्ट एल्ब्रस’को अभिनेत्री दीया पुनले सफलतापूर्वक आरोहण गरेकी छन् । मंगलबार बिहान १० बजे उनी ५,६४२ मिटर उचाइको हिमाल चढेको उनको आरोही दल एलिट एक्सिपिडिसनले जनाएको छ ।
सामाजिक संजालबाट अभिनेत्री पुनले पनि यसबारे जानकारी दिएकी छन् । अभिनेत्री दीया पुन ७ महादेशका सबै अग्ला हिमाल आरोहण गर्ने अभियानमा निस्किएकी छन । यसअघि उनले सगरमाथा, दक्षिण अमेरिकाको अग्लो अकोनकागा, अफ्रिकाको अग्लो माउन्ट किलिमन्जरो हिमाल पनि चढिसकेकी छन् ।
- न्युज बहार संवाददाता
