असार १४, भोजपुर । भोजपुर जिल्लाका किसानहरु अहिले स्ट्रबेरी
खेतीतर्फ आकर्षित हुन थालेका छन् । पछिल्लो समय यहाँका किसान स्ट्रबेरी खेतीबाट
राम्रो आम्दानी हुने भएकाले जग्गा भाडामा लिएर भए पनि यसको खेती गर्न थालेका छन् भोजपुर
नगरपालिका–८, दुम्सिका कमल भुजेलले पनि
दुई रोपनी जग्गामा व्यवसायीक स्ट्रबेरी खेती सुरु गरेका छन । उनले नुवाकोट
जिल्लाको ककनीबाट दुई हजार स्ट्रबेरीको बिरुवा ल्याई व्यवसायीकरुपमा खेती सुरु
गरेको जनाएका हुन ।
भुजेलले यसको खेतीबाट राम्रो उत्पादन
र आम्दानी हुने गरेको थाहा भएपछी आफू यस खेतीमा आकर्षित भएको बताएका छन ।
हाल उनको स्ट्रबेरी खेतीमा दैनिकजसो
१० देखि २५ केजी सम्म स्ट्रबेरीको कारोबार गर्ने गरेको छ ।
अहिले उत्पादन भइरहेको फलले माग धान्न नसकेपछी उनीले खेती विस्तार गरी १० हजार
बिरुवा थप्ने योजना बनाइरहेका छन ।
- न्युज बहार संवाददाता
