पुस १०, काठमाडौव । भोली बुधवार हिमालयन रि इन्स्योरेन्स लिमिटेडको प्राथमिक शेयर बाँडफाँट हुने भएको छ। बिक्री प्रबन्धक एनएमबि क्यापिटलका अनुसार भोली बुधबार बिहान १० बजे शेयर बाँडफाँट हुने छ। क्यापिटलले कम्पनीको शेयर बाँडफाँट ताज रिसेप्सन सुवर्ण शमशेर मार्ग बालुवाटारमा हुने जनाएको छ।
गत मंसिर २७ गते देखि कम्पनीले शेयर निष्कासन गरेको थियो। कम्पनीले प्रतिशेयर अंकित १०० रुपैयाँमा १०६ रुपैयाँ प्रिमियम थप गरी प्रति कित्ता २०६ रुपैयाँका दरले हुन आउने ६ अर्ब १८ करोड रुपैयाँको शेयर निष्कासनमा ल्याएको थियो ।
कम्पनिले दोस्रो चरणमा बाँकी रहेको २ करोड ४९ लाख कित्ता शेयर सर्वसाधारणका लागि निष्कासनमा ल्याएको थियो। १६ लाख ६१ हजार दुई सय ४२ जनाले आवेदन दिएका शेयर बुधवार बाँडफाँट हुन लागेको हो।
- न्युज बहार संवाददाता
