पुस २४, काठमाडौँ । आज मंगलबार नेप्से परिसूचक २०.६२ अंक (१.०० प्रतिशत)ले बढेर २०८०.१२ विन्दुमा बन्द भएको छ।

यस दिन नेप्सेसँगै कारोबार रकम पनि बढेको छ। यस दिन ३०९ स्टकको १ लाख ४ हजार पटकको कारोबारमा ६ अर्ब ११ करोड ८३ लाख रुपैयाँ बराबरको १ करोड ७९ लाख कित्ता शेयर खरिदबिक्री भएको छ।

मंगलबार ११ कम्पनीको शेयर सकारात्मक सर्किट लेभलमा कारोबार भएको छ। यस दिन सिन्धु विकास बैंक, सप्तकोशी डेभलपमेन्ट बैंक,  कर्णाली डेभलपमेन्ट बैंक, कालिका लघुवित्त, त्रिशुली जलविद्युत अप्पर सांगे हाइड्रोपावर, हिमालयन रि इन्स्योरेन्स, नेपाल वेयर हाउजिङ्ग, तेह्रथुम पावर र मुक्तिनाथ कृषि कम्पनी, ग्रीन डेभलपमेन्ट बैंकको शेयर सकारात्मक सर्किट लेभलमा कारोबार भएको छ भने यस दिन सर्वाधिक ८.१९ प्रतिशतले धौलागिरी लघुवित्तको शेयरमूल्य घटेको छ।

यस दिन पनि कारोबार रकमका आधारमा सोनापुर मिनरल्स एण्ड आयल लिमिटेड शीर्ष स्थानमा रहेको छ।

यस दिन सर्वाधीक ५.२१ प्रतिशतले विकास बैंक उपसमूहको परिसूचक बढेको छ भने ३ प्रतिशतभन्दा बढी वित्त उपसमूहको परिसूचक बढेको छ ।

यस दिन कारोबारमा आएका जलविद्युत, उत्पादन तथा प्रशोधन र म्युचुअल फण्ड उपसमूहको परिसूचक भने घटेको छ।

• न्युज बहार संवाददाता