असोज ९, काठमाडौँ । नेप्से परिसूचक मंगलबार दोहोरो अंकले बढेको छ । आज नेप्से परिसूचक १८.४५ अंक (०.९२ प्रतिशत)ले बढेर २०२२.९१ बिन्दुमा बन्द भएको छ ।
आज कारोबार रकम पनि अघिल्लो दिनको तुलनामा बढेको छ।
यस दिन २८६ वटा धितोपत्रको ८७ लाख ४ हजार ४७७ कित्ता सेयर किनबेचबाट २ अर्ब ९ करोड ३८ लाख ९ हजार ५१८ रुपैयाँको कारोबार भएको छ ।
आज नेप्सेमा तीन वटा जलविद्युत कम्पनी मनकामना इन्जिनियरिङ, मेन्छियाम हाइड्रोपावर र शुभम् पावरको सेयर मूल्य सकारात्मक सर्किट लागेको छ भने सेयर मूल्य सर्वाधिक घट्नेमा हिमालयन लघुवित्त रहेको छ।
यस दिन एनआइसी एशिया बैंकको सर्वाधिक कारोबार भएको छ । आज कारोबारमा आएका १३ वटा समूहगत परिसूचकमध्ये एक समुहको परिसुचक बहेक सबै समूहको परिसूचक बढेको छ ।
यसदिन जलविद्युत समूहको परिसूचक सर्वाधिक ३.०९ प्रतिशतले बढेको छ भने होटल्स तथा पर्यटन समूहको परिसूचक ०.१८ प्रतिशतले घटेको छ ।
- न्युज बहार संवाददाता
