मंसिर २५, काठमाडौँ । सोमबार नेप्से परिसुचक १५.४० अंकले घटेको छ । आइतबार एकैदिन १११ अंकले बढेको
नेप्से आज दोस्रो दिनमै गिरावट आएको हो । पाँच महिनायताकै उच्च कारोबार आज सोमबार भएको
छ । आज ४ अर्ब ८४ करोड २७ लाख ७४ हजार रूपैयाँको कारोबार भएको छ।
सोमबार
नेप्से परिसूचक १५.४० अंक (०.७८ प्रतिशत) ले घटेर १९४८.५७
बिन्दुमा बन्द भएको छ।
आज २
प्रतिशतदेखि १० प्रतिशतसम्म ६१ वटा कम्पनीको सेयर मूल्य बढेको छ। त्यस्तै, २ प्रतिशतदेखि ७ प्रतिशतसम्म ७०
वटा कम्पनीको मूल्य घटेको छ
यसदिन बजारमा सोनापुर मिनरल्सको सर्वाधिक कारोबार भएको छ।
त्यस्तै, आज कारोबारमा आएका १३ वटा
समूहगत परिसूचकमध्ये बाँकी समूहको परिसूचक घट्दा उत्पादन तथा प्रशोधन, लघुवित्त, म्युचुअल फण्ड र निर्जीवन बीमा
समूहको परिसूचक बढेको छ ।
यसदिन सर्वाधिक २.०९ प्रतिशतले विकास बैंक समूहको परिसूचक घटेको छ भने सर्वाधिक २.१६ प्रतिशतले म्युचुअल फण्डसमूहको परिसूचक बढेको छ।
- न्युज बहार संवाददाता
