माघ
११, काठमाडौँ । आज निरन्तर सातौँ कारोबार दिन पनि नेप्से परिसूचक घटेर बन्द भएको
छ। गत मंगलबारदेखि घट्न थालेको नेप्से आज पनि झिनो अंक घटेको छ । आज नेप्से ३.९४ अंक
(०.१८ प्रतिशत) ले घटेर २०८४.०९ बिन्दुमा बन्द भएको छ ।
यस दिन नेप्सेसँगै कारोबार रकम पनि सामान्य घटेको छ। यस दिन ३०४
स्टकको ९१ हजार ३६४ पटकको कारोबारमा ३ अर्ब ७६ करोड ४५ लाख रुपैयाँ बराबरको १ करोड
१६ लाख कित्ता शेयर खरिदबिक्री भएको छ।
यस दिन सामलिङ्ग पावर
कम्पनीको शेयर सकारात्मक सर्किट लेभलमा कारोबार भएको छ भने यस दिन सिटिजन्स
म्युचुअल फण्ड २ को इकाई मूल्य सर्वाधिक ५.०३ प्रतिशतले घटेको छ।
यस दिन पनि कारोबार रकमका आधारमा हिमालयन रि
इन्स्योरेन्स शीर्ष स्थानमा रहेको छ।
साताको अन्तिम कारोबार दिन बिहीबार १३ उपसमूहमध्ये ८ उपसमूहको परिसूचक घटेको छ भने ५ उपसमूहको परिसूचक बढेको छ ।
आज बैंकिङ्ग, विकास बैंक, वित्त, म्युचुअल फण्ड र व्यापार उपसमूहको परिसूचक बढेको छ । सर्वाधिक १.०३ प्रतिशतले होटल तथा पर्यटन उपसमूहको परिसूचक घटेको छ।
- न्युज बहार संवाददाता
