असोज
२, काठमाडौँ । आज बिहीबार बुङ्गल हाइड्रो लिमिटेडको आईपीओ
बाँडफाँट गरिएको छ। कम्पनीको शेयर निष्काशन तथा बिक्री व्यवस्थापक हिमालयन
क्यापिटल लिमिटेड को कार्यालयमा बिहान
बाँडफाँट प्रक्रिया सम्पन्न भएको हो।
बुङ्गल हाइड्रोले भदौ १६ गतेदेखि १९
गतेसम्म सर्वसाधारणका लागि १०० रुपैयाँ अंकित मूल्यमा १७ लाख १ हजार ५०० कित्ता
शेयर, जसको कुल मूल्य १७
करोड १ लाख ५० हजार रुपैयाँ बराबर हुन्छ, सार्वजनिक रुपमा
निष्काशन गरेको थियो।
उक्त आईपीओमा २१ लाख ७५ हजार ८८८ जनाले
२ करोड ३७ लाख ३८ हजार ९१० कित्ता शेयरका लागि आवेदन दिएका थिए। तीमध्ये ३२ हजार
६३८ आवेदन अमान्य भई रद्द भएका छन् भने २१ लाख ४३ हजार २५० आवेदन स्वीकार गरिएको
हो।
आईपीओमा
माग धेरै परेकाले गोलाप्रथामार्फत बाँडफाँट गरिएको छ। यस अनुसार १ लाख ७० हजार १५०
जना आवेदकले प्रतिव्यक्ति १० कित्ताका दरले शेयर पाएका छन्। आईपीओको नतिजा https://iporesult.cdsc.com.np/ मा हेर्न सकिनेछ।
- न्युज बहार संवाददाता
