पुस
१२, काठमाडौँ । बिहिबार अर्थात साताको अन्तिम कारोबार दिन नेप्से परिसूचक सामान्य
अंकले घटेर बन्द भएको छ।
आज नेप्से परिसूचक १.९३ अंक(०.०९
प्रतिशत)ले घटेर २०६८.९० विन्दुमा बन्द भएको छ ।
आज बिहिबार नेप्से परिसुचकसँगै कारोबार रकम पनि घटेको छ। यस दिन ३०३
स्टकको १ लाख १ हजार ५०४ पटकको कारोबारमा ४ अर्ब २९ करोड ९ लाख रुपैयाँ बराबरको १
करोड १६ लाख ५८ हजार कित्ता शेयर कारोबार भएको छ।
नेप्से परिसुचक घट्दा पनि यस दिन ५ स्टकको शेयर सकारात्मक सर्किट
लेभलमा कारोबार भएका छन। यस दिन चिरख्वा हाइड्रोपावर, भिजन लुम्बिनी उर्जा, मनकामना इन्जिनियरिङ्ग, हाथवे इन्भेष्टमेन्ट र मुक्तिनाथ कृषि कम्पनीको शेयर
सकारात्मक सर्किट लेभलमा कारोबार भएको हो भने यस दिन बिपिडब्लु लघुवित्त र धौलागिरी
लघुवित्तको शेयर नकारात्मक सर्किट लेभलमा कारोबार भएको छ।
यसदिन कारोबार रकमका आधारमा सोनापुर मिनरल्स एण्ड आयलको सबैभन्दा धेरै कारोबार
भएको छ।
बिहीबार १३ उपसमूहमध्ये ७ उपसमूहको
परिसूचक घटेका छन भने ६ उपसमूहको परिसूचक बढेको छ ।
यस दिन सर्वाधिक १ प्रतिशतभन्दा बढी होटल
तथा पर्यटन र उत्पादन तथा प्रशोधन उपसमूहको परिसूचक बढेको छ भने सर्वाधिक १
प्रतिशतभन्दा बढी व्यापार उपसमूहको परिसूचक घटेको छ।
- न्युज बहार संवाददाता
