मंसिर
१३, काठमाडौँ । गत ८ गते नेपालस्थित कन्सुलर सेवा विभागलाई रूसको मस्कोस्थित
नेपाली दूतावासले पत्राचार गरेर तीन नेपालीको मृत्यु भएको जानकारी दिएको थियो । पत्रमा
उल्लेख भए अनुसार उनीहरू रूसी सेनामा कार्यरत रहेकै बेला मृत्यु भएको हो।
मृत्यु हुने नेपालीहरुमा दोलखा, मेलुङ गाउँपालिका–६ का राजकुमार रोक्का, स्याङ्जा, पुतलीबजार नगरपालिका–५ का प्रितम कार्की, र इलाम नगरपालिका–९ का गंगाराज मोक्तान रहेको दूतावासले
जनाएको छ ।
दूतावासले कन्सुलर सेवा विभागमा
पठाएको पत्रमा उनीहरूको गत कात्तिक २९ गते भाइटीकाको दिन मृत्यु भएको उल्लेख
गरिएको छ।
- न्युज बहार संवाददाता
