असार ६, काठमाडौँ । मौसम पुर्वानुमान महाशाखा अनुसार हाल देशको पूर्वी भूभागमा मनसुनी प्रणाली तथा बाँकी भूभागमा स्थानीय वायु तथा भारतको विहार आसपास रहेको न्यून चापीय क्षेत्रको आंशिक प्रभाव रहेको छ। यसको प्रभावले अहिले गण्डकी प्रदेश, कोशी प्रदेश र बाग्मती प्रदेशका थोरै तथा सुदूरपश्चिम प्रदेशका एक–दुई स्थानमा चट्याङ्गसहित हल्कादेखि मध्यम वर्षा भइरहेको छ।
आज बिहिबार दिउँसो बागमती प्रदेश, गण्डकी
प्रदेश र कोशी प्रदेशका केही स्थानहरूमा साथै मधेस प्रदेशको थोरै स्थानहरूमा तथा
बाँकी भूभागका एक–दुई
स्थानमा चट्याङ्गसहित हल्कादेखि मध्यम वर्षाको सम्भावना रहेको छ। साथै कोशी
प्रदेशका एक–दुई
स्थानमा भारी वर्षाको पनि सम्भावना महाशाखाले जनाएको छ ।
त्यस्तै आज
राति गण्डकी प्रदेश, बागमती प्रदेश, मधेस प्रदेश
र कोशी प्रदेशका
केही स्थानहरूमा चट्याङ्गसहित
हल्कादेखि मध्यम वर्षाको सम्भावना रहेको छ। साथै गण्डकी प्रदेश र कोशी प्रदेशका एक–दुई स्थानमा भारी वर्षाको पनि
सम्भावना रहेको छ ।
- न्युज बहार संवाददाता
