फागुन
२७, विराटनगर । उदयपुरमा दुई दिने होमस्टे सम्मेलन हुने प्रदेशको पर्यटन, वन तथा वातावरण मन्त्रालयले
जनाएको छ । प्रदशेमै पहिलोपटक होमस्टे सम्मेलन हुन लागेको हो भने यसको आयोजना पर्यटन
मन्त्रालयअन्तर्गत पर्यटन प्रवद्र्धन शाखाले गर्ने भएको छ ।
उदयपुरको
त्रियुगा नगरपालिका–८
राजाबासस्थित दनुवार सामुदायिक भवनमा फागुन २९ गते र ३० गते होमस्टे सम्मेलन हुन
लागेको हो । पर्यटन प्रवर्द्धन शाखाका अधिकृत हेमराज अर्यालका अनुसार होमस्टे
सम्मेलनको तयारी तीव्र पारिएको छ ।
सम्मेलनमा
प्रदेशभरिका एक सय पाँचवटा निजी तथा सामुदायिक होमस्टेका प्रतिनिधिहरू सहभागी हुने
अर्यालले जनाएका छन । अधिकृत अर्यालका अनुसार होमस्टे सम्मेलनमा आफ्ना मौलिक
खानाको प्रवर्द्धन गर्न मिल्ने गरी १३ वटा स्टलसमेत तयार पारिएको छ ।
- न्युज बहार संवाददाता
