असोज ४, काठमाडौँ । 'इन्टरनेसनल बलुन फेस्टिबल' नेपालमा पहिलो पटक आयोजना हुने भएको छ।
क्रिष्टमस
र अङ्ग्रेजी नयाँ वर्षको अवसरमा आगामी डिसेम्बर २४ देखि जनवरी १ तारिखसम्म बलुन
नेपाल प्रालिको आयोजनामा महोत्सव हुने भएको हो।
उक्त महोत्सव
पोखराको लौरूकदेखि चङ्खपुरसम्मको पामे क्षेत्रमा आयोजना हुनेछ। महोत्सवको आवश्यक
तयारी भइरहेको जानकारी नेपाल बलुन प्रालिका अध्यक्ष बिक्रम बाडेले दिएका छन ।
अध्यक्ष
बिक्रम बाडेका अनुसार नेपालमा पहिलो पटक आयोजना हुन लागेको यस महोत्सवमा नेपालसहित
विश्वका करिब ३० देशका व्यावसायिक बलुन कम्पनीहरूको सहभागिता रहने छ।
उनले पर्यटकीय नगरी पोखरा र समग्र नेपालको पर्यटन प्रवर्द्धन तथा
अन्तर्राष्ट्रिय स्तरमा प्रचारप्रसार गर्ने उद्देश्यले महोत्सव आयोजना गर्न
लागिएको जनाएका छन ।
- न्युज बहार संवाददाता
