फागुन १२, काठमाडौँ । प्रहरीले हिजो शुक्रबार काठमाडौँको थापाथली स्थित प्रसूति तथा स्त्रीरोग अस्पतालको कम्पाउन्डबाट बच्चा चोरेको आरोपमा एक जना महिलालाई पक्राउ गरेको छ । प्रहरीका अनुसार स्थायी ठेगाना दैलेख भएकी मनकुमारी सिंह  पक्राउ परेकी हुन । । 

पक्राउ परेपछी सुरुमा सिंहले आरोप अस्वीकार गरेको जिल्ला प्रहरी परिसर काठमाडौँको टोलीले जनाएको छ । प्रहरीका अनुसार सिंहले सुरुमा बच्चा जंगलमा भेटेर ल्याएको हुँ भनेकी छन । तर यता प्रहरीले भने चोरी गर्दाको हुलिया र कपडा म्याच भएपछि मनकुमारीलाई पक्राउ गरेको हो । जिल्ला प्रहरी परिसर काठमाडौँका एक जना अधिकृतका अनुसार मनकुमारीसँगै उनका पतिलाई पनि सोधपुछका लागी बोलाइएको छ भने अहिलेसम्म चोरीमा श्रीमानको भूमिका देखिएको छैन । 

अहिले चोरीमा संलग्न आरोपमा मनकुमारी र अर्की एक जना महिला टेकुस्थित काठमाडौँ प्रहरीको कस्टडीमा रहेका छन् । लामो समय बच्चा नभएपछि मनकुमारीले बच्चा चोरेको प्रारम्भिक अनुसन्धानबाट थाहा भएको छ । उनीहरूले प्रहरीसँग यसअघि ३ पटक सम्म बच्चा खेर गरेको स्वीकार गरेका छन् । 

• न्युज बहार संवाददाता