बैशाख ८, काठमाडौँ । काठमाडौँका विभिन्न
ठाउँमा आज विद्युत सेवा बन्द हुने भएको छ ।
नेपाल
विद्युत प्राधिकरणका अनुसार विभिन्न ठाउँका फिडरहरू सटडाउन गरेर मर्मत कार्य गर्नु
पर्ने भएकोले विद्युत सेवा बन्द हुने भएको हो ।
प्राधिकरणले
रत्नपार्कको वितरण केन्द्रको अनामनगर, जोरपाटी वितरण केन्द्रको मुलपानी
र डांछी फिडरअन्तर्गत पर्ने ठाउँमा विद्युत सेवा अवरुद्ध हुने जनाएको छ ।
लोकसेवा
कार्यालयको पानी ट्याङ्की, प्रभु
बैंकका साथै धोबीखोलादेखि मैतीदेवी, घट्टेकुलो, सिंहदरबारको पूर्वी
गेट अनामनगर हुँदै, न्युरो हस्पिटल क्षेत्रमा साँझ ५ बजेसम्म विद्युत
अवरुद्ध हुने प्राधिकरणले जनाएको छ ।
प्राधिकरणका
अनुसार मूलपानी फिडरअन्तर्गत मूलपानी चउर, बाबाचोक, मिलन चोक, तिवारी टोल, फुयाल गाउँ, गोकर्ण फरेस्ट रिसोर्ट, थलीलगायतका स्थानमा बिहान १०
बजेदेखि साँझ ५ बजेसम्म विद्युत अवरूद्ध हुने छ ।
त्यसैगरी
डांछी फिडरअन्तर्गत अर्याल गाउँ, शिवचोक, ग्रिनहिल
सिटी, दक्षिणढोका, होटल
नोर्लिङ, क्षेत्रमा
बिहान १० बजेदेखि मध्याह्न साढे १२ बजेसम्म विद्युत अवरूद्ध हुनेछ ।
प्राधिकरणले
आज नुवाकोट र सुर्खेतका विभिन्न ठाउँमा पनि केही समय विद्युत सेवा अवरुद्ध हुने
जनाएको छ ।
- न्युज बहार संवाददाता
