मंसिर १८, काठमाडौँ । सामाजिक सञ्जाल
टिकटकका गतिविधि नियमन गर्न सम्भव नभएकाले प्रतिबन्ध नै लगाउनुपरेको सञ्चार तथा
सूचना प्रविधि मन्त्रालयले बताएको छ ।
सर्वोच्च
अदालतले टिकटक प्रतिबन्ध विरुद्ध परेका रिट निवेदनहरुको सुनुवाइका क्रममा सरकारसँग
लिखित जवाफ माग गरेको थियो ।
सर्वोच्च
अदालतले मागेको जवाफमा १४ मंसिरमा सञ्चार मन्त्रालयले लिखित जवाफ पठाउँदै टिकटकको
स्वनियमन कमजोर रहेको र रियल टाइमका सामग्री हटाउन नसकिने भएकाले प्रतिबन्ध नै
लगाउनुपरेको जिकिर गरेको हो ।
सर्वोच्च
अदालतमा पठाएको लिखित जवाफमा भनिएको छ, ‘अन्य सामाजिक सञ्जालले कम्युनिटी
गाइडलाइन विरुद्धका सामग्री हटाउने गरेको भए पनि टिकटकले रियल टाइमका सामग्री
हटाउन नसक्नुको अलवा लाइभ भिडियोहरु रेकर्ड गरी अन्य सामाजिक सञ्जालमा समेत शेयर
गर्ने गरेकाले टिकटकको तत्कालिन अवस्थामा नियमन सम्भव नभएकोले प्रतिबन्ध नै
लगाउनुपरेको हो ।
- न्युज बहार संवाददाता
