फागुन २६, काठमाडौँ। नेकपा (माओवादी केन्द्र)का
अध्यक्ष एवं प्रधानमन्त्री पुष्पकमल दाहाल ‘प्रचण्ड’ विरुद्धको रिटमा आज
शुक्रवार सुनुवाइ हुने भएको छ। यसअघि हिजो बिहीबार हेर्न नभ्याउने भन्दै
स्थगित भएको रिटको पेसी लागि आजका समय तोकिएको हो।
सर्वोच्च अदालतका न्यायाधीश विश्वम्भरप्रसाद श्रेष्ठको इजलासमा
बिहीबार रिट परेको थियो। तर, हिजोको इजलासमा अरू मुद्दा सुनुवाइ गरेका न्यायाधीश श्रेष्ठले
प्रचण्डविरुद्धको रिट हेर्न नभ्याइने सूचीमा राखेका थिए।
ज्ञानेन्द्रराज
आरण, कल्याण
बुढाथोकीलगायतले प्रधानमन्त्री ‘प्रचण्ड’ को अभिव्यक्तिविरुद्ध उनीमाथि छानबिन तथा अभियोजन हुनुपर्ने
माग गर्दै सर्वोच्चमा केही दिन अगाडी रिट दायर गरेका हुन्।
- न्युज बहार संवाददाता
