फागुन
२६, काठमाडौँ। चैत ५ गते हुने उपराष्ट्रपतिको निर्वाचनमा महिला उम्मेदवारको मात्र
मनोनयन दर्ता गर्न निर्वाचन आयोगले निर्देशन दिएको छ।
खस-आर्य
बाहेकका समुदायका महिलाको मात्र उम्मेदवारी दर्ता गर्न आज शुक्रबार बसेको निर्वाचन
आयोगको बैठकले निर्वाचन अधिकृतको कार्यालयलाई निर्देशन दिएको छ।
उपराष्ट्रपतिमा
पुरूषको उम्मेदवारी दर्ता नहुने प्रमुख निर्वाचन आयुक्त दिनेश थपलियाले बताएका छन।
प्रमुख
निर्वाचन आयुक्त दिनेश थपलियाले भने ‘राष्ट्रपति र उपराष्ट्रपति फरक लिंगको
हुनुपर्ने भन्ने कुरा संविधानमा नै लेखिएको छ। आयोगले त्यसै अनुसार निर्देशन दिएको
हो, हिजो रामचन्द्र पौडेल राष्ट्रपति निर्वाचित भइसकेकाले खस-आर्य
समुदायका महिलाले पनि उम्मेदवारी दिन नपाउने व्यवस्था छ।’
उपराष्ट्रपतिका
लागि भोली शनिबार मनोनयन दर्ता गर्ने कार्यतालिका रहेको छ।
- न्युज बहार संवाददाता
