फागुन ७, काठमाडौँ । वैशाख १० मा
चितवन क्षेत्र नम्बर २ मा हुने उपनिर्वाचनका लागि निर्वाचन आयोगले दल दर्ता गर्न
आह्वान गरेको छ।
आयोगका अनुसार
यही फागुन १० गतेदेखि १६ गतेसम्म दल दर्ता गर्न सकिने बताएको छ । पहिले नखुलेका नयाँ
दलहरूले उपनिर्वाचनमा भाग लिन भने पाउने छैनन्।
२०७९ फागुन ५
गतेसम्म निर्वाचन आयोगमा दर्ता भएका राजनीतिक दलले उपचुनावमा भाग लिन पाउने छन त्यसका
लागी फागुन १६ गतेसम्म दल दर्ता निवेदन आयोगमा पठाइसक्नुपर्छ।
राजनीतिक दलसम्बन्धी नियमावली २०७४ को अनुसूची १२ बमोजिमको ढाँचामा निर्वाचन आयोगको कार्यालयमा गई दल दर्ता निवेदन दिनुपर्ने आयोगले बताएको छ । उपनिर्वाचनका लागि चैत २० गते उम्मेदवारको मनोनयन दर्ता गर्ने तालिका रहेको आयोगले जानकारी दिएको छ र चैत २१ गते उम्मेदवारको विरोधमा उजुरी, चैत २२ गते मनोनयन पत्र र उजुरीउपर जाँचबुझ गरी निर्णय दिने तथा उम्मेदवारको नामावली प्रकाशन गर्ने तालिका रहेको आयोगले जनाएको छ। चैत २३ गते भने उम्मेदवारलाई निर्वाचन चिन्ह प्रदान गर्ने कार्यक्रमको तालिका रहेको आयोगले बताएको छ ।
