माघ २५, काठमाडौं । नेकपा एमालेका अध्यक्ष केपी
शर्मा ओली र प्रधानमन्त्री पुष्पकमल दाहाल
प्रचण्डबिच उच्चस्तरीय
राजनीतिक संयन्त्रको बैठक बिहीबार बोलाउने सहमति भएको छ । राष्ट्रपतिको
उम्मेदवारबारे सोही बैठकमा छलफल हुने बताइएको छ।
ओलीलाई भेट्न प्रधानमन्त्री प्रचण्ड आज
बिहान ओली निवास बालकोट पुगेका थिए। उच्चस्तरीय राजनीतिक संयन्त्रको संयोजक समेत रहेका ओली निवासमा भएको भेटवार्तामा बिहीबार राजनीतिक
संयन्त्रको बैठक बोलाउने र राष्ट्रपतिको उम्मेदवारबारे छलफल गर्ने ओली र प्रधानमन्त्री प्रचण्ड दुबैको बिच सहमती
भएको प्रधानमन्त्रीले बताए ।
बालकोटबाट निस्कने क्रममा प्रचण्डले भने, ‘सहज ढंगले कसरी अघि बढ्ने
भन्नेबारे उच्चस्तरीय राजनीतिक संयन्त्रको बैठकमा छलफल गर्ने छलफल भएको छ, राष्ट्रपतिको उम्मेदवारबारे पनि
छलफल भोलिको बैठकमा हुने छ’।
