भदौ ३१, काठमाडौँ । प्रहरीले तीनकुने सामूहिक हत्याकाण्डको अनुसन्धानका क्रममा शनिबार पक्राउ गरेको दीपेन्द्र राईलाई आज आइतबार रिहा गरेको छ ।
शुक्रबार राति तीनकुनेस्थित दिव्य सःमिलमा चार जनाको हत्या भएको थियो । सोही हत्यामा संलग्न रहेको भन्दै प्रहरीले दीपेन्द्रलाई पक्राउ गरेको थियो । उनी आँफै ट्याक्सि चढेर पुलिस चौकी पुगेको र उनले लगाएको कपडामा रगत लागेको देखिएको प्रहरीले बताएको थियो, तर आइतबार प्रहरीले दीपेन्द्रलाई रिहा गरेको र उनलाई आफन्तको जिम्मामा छाडिएको उपत्यका अपराध अनुसन्धान कार्यालयका एसएसपी सोमेन्द्र सिंह राठौरले जनाएका छन ।
सोही केसमा आज प्रहरीले सिन्धुपाल्चोकका सञ्जय भण्डारीलाई काठमाडौँको पेप्सीकोलाबाट पक्राउ गरेको छ । आफ्नो नवीन राईसँग रिसइबी रहेकोले सञ्जयले नविन लगायत घटना खुल्ने डरले स मिलमा भएका अन्यको पनि हत्या गरेको प्रहरीसमक्ष बयान दिएका कारण दीपेन्द्रको संलग्नता नदेखिएकाले उनलाई छाडिएको उपत्यका अपराध अनुसन्धान कार्यालयका प्रमुख एसएसपी राठौरले बताएका छन ।
- न्युज बहार संवाददाता
