असार २२, काठमाडौँ। काठमाडौँ महानगरपालिकाले निजी शिक्षण संस्थालाई कक्षा ११ मा छात्रवृत्ति कोटा निर्धारण गरेर त्यसको विवरण बुझाउन निर्देशन दिएको छ।
काठमाडौँ महानगरले सूचना प्रकाशित गरेर कक्षा ११ मा भर्ना गरिने विद्यार्थीहरूलाई कोटा निर्धारण गरेर छात्रवृत्ति उपलब्ध गराउन आवश्यक भएकोले सम्बन्धित शिक्षण संस्थालाई निर्देशन दिएको छ ।
प्रकाशीत सुचनामा सबै शिक्षण संस्थाहरूलाई शैक्षिक सत्र २०७९/०८० मा कक्षा ११ मा भर्ना भएका विद्यार्थीको संख्या आषाढ मसान्तभित्र पठाउन सूचित गरिएको छ।
शिक्षण संस्थाहरुले विवरण पठाउन क्यूआर स्क्यान गरेर महानगरपालिकाको वेब पेजको सूचना परिपत्र खण्डमा गई पत्रमा क्लिक गरेपछि खुल्ने पेजको अन्तिममा देखिने फारममा विवरण भर्न महानगरले जानकारी गराएको छ।
- न्युज बहार संवाददाता
