कार्तिक
२५, झापा । मोटरसाइकल र गाडी एक
आपसमा ठोक्किदा एक युवकको मृत्यु भएको छ। शुक्रबार बेलुका करिब ९ बजे झापाको कन्काई गाउँपालिका-८
बिरिङ खोलाको पुलमा नेपाल प्रहरीका प्रहरी उपरीक्षक (एसपी)ले चलाएको गाडीसँग
मोटरसाइकल ठोक्किँदा मोटरसाइलमा सवार एक किशोरको मृत्यु भएको हो ।
प्रहरीको एसपीले चलाएको मे१च
७८३९ नम्बरको स्कारपिओ गाडीसँग पश्चिमबाट पूर्वतर्फ आउँदै गरेको मे १० प १६६९
नम्बरको मोटरसाइकल ठोक्किएको थियो।
उक्त गाडी प्रदेश प्रहरी
कार्यालय धरानमा कार्यरत एसपी भीमबहादुर दाहालले चलाएका थिए।
मोटरसाइकलमा
तिन जना सवार रहेको र उनीहरूले मापसे गरी बिना सवारी चालक अनुमतिपत्र सवारि चलाएका
थिए। सोही क्रममा तीव्र गतिका कारण मोटरसाइकल अनियन्त्रित भई गाडीसँग ठोक्किन
पुगेको थियो ।
अहिले दुर्घटनाबारे अनुसन्धानका
लागी गाडी र गाडीका चालक एसपी दाहाललाई नियन्त्रणमा लिएर इलाका प्रहरी कार्यालय
विर्तामोडमा राखिएको छ ।
- न्युज बहार संवाददाता
