असोज २९, काठमाडौँ । प्रहरीले ८३ जना मोटरसाइकल चालकलाई अफलाइनमा राइड सेयरिङ कारोबार गरेको आरोपमा पक्राउ गरेको छ।
जिल्ला प्रहरी परिसर काठमाडौँका अनुसार काठमाडौँको विभिन्न ठाउँबाट इन्ड्राइभ र पठाओ सेवाका नाममा अनधिकृत रुपमा सर्वसाधारण ओसारपसार गर्ने ८३ जनालाई पक्राउ गरिएको हो ।
जिल्ला प्रहरी परिसरका सूचना अधिकारी प्रहरी उपरीक्षक कुमोध ढुंगेलले विगतमा केही आपराधिक घटनाहरुमा यस्ता सवारी साधनको संलग्नता देखिएको र सुरक्षा संवेदनशीलताको दृष्टिमा पनि अफलाइन राइड सेयर जोखिमपूर्ण रहेको बताएका छन भने उनले सर्वसाधारणलाई पनि अफलाइनमा राइड सेयर नगर्न आग्रह समेत गरेका छन् ।
- न्युज बहार संवाददाता
