फागुन
१३, काठमाडौँ । राप्रपा - राष्ट्रिय प्रजातन्त्र पार्टीका सांसद ज्ञानेन्द्र
शाहीले आजको संसद बैठकमा आफू संसदमा कसैको घाँटी काटेर र गुडिरहेको बसमा बम
पड्काएर नआएको भनेपछि केहीबेर हंगामा मच्चिएको छ ।
आइतबारको बैठकको विशेष समयमा बोल्दा सांसद शाहीले आफूँ कसैको घाँटी काटेर नभएको भनेपछि सत्तारुढ दल माओवादी केन्द्रका प्रमुख सचेतक हितराज पाण्डेले नियमापत्ति जनाएका थिए । त्यसपछि बैठकमा केहीबेर हंगामा भयो । आफ्नो राजीनामा माग्ने माओवादी सांसद माधव सापकोटालाई लक्षित गर्दै सांसद शाहीले संविधानले दिएको अधिकार प्रयोग गरेको भन्दै आफू ८ वर्षको बच्चालाई घाँटी काटेर र मान्छेको हत्या गरेर नआएको र राज्यको सम्पति विनाश पनि नगरेको भन्ने धारणा राखेका थिए ।
शाही
बोल्दाबोल्दै माओवादीका सांसद पाण्डेले नियमापत्ति गरपछी पाण्डेको नियमापत्तिपछि
कांग्रेस सांसद सुनिल शर्माले एउटा सांसदले बोल्दा अर्कोले नियमापत्ति गर्न नपाउने
बताएका थिए ।
- न्युज बहार संवाददाता
