असार १२, काठमाडौँ । नेकपा (एमाले) अध्यक्ष केपी शर्मा ओली र वर्तमान प्रधानमन्त्री पुष्पकमल दाहाल ‘प्रचण्ड’ सँग सत्तामा सम्झौता गर्नुभन्दा काठमाडौँ महानगरपालिकाका मेयर बालेन शाहसँग मिल्नु पार्टीका लागि हितकर रहेको निष्कर्ष सहितको प्रतिवेदन रास्वपा - राष्ट्रिय स्वतन्त्र पार्टीका महामन्त्री डा. मुकुल ढकालले तयार पारेका छन्।
महामन्त्री
ढकालले ३९ जिल्लाका नेता–कार्यकर्तासँगको
समीक्षात्मक अन्तरक्रियापछि पुराना दलहरूसँग भन्दा स्वतन्त्रहरू सँगको सहकार्यलाई
अगाडि बढाउनुपर्ने निचोड निकालेका हुन्।
उक्त प्रतिवेदन उनले आज बुधबार साँझ सभापतिसमेत रहेका उपप्रधान तथा
गृहमन्त्री रवि लामिछानेलाई हस्तान्तरण गर्ने बताएका छन ।
महामन्त्री
ढकालले उक्त प्रतिवेदनमा २०८४ को निर्वाचनभन्दा पहिला नै धनगढी उपमहानगरका मेयर
गोपी हमाल र काठमाडौँका मेयर बालेन शाहसँग सहकार्यको हात फैलाउनुपर्ने उल्लेख समेत गरेका
छन्।
- न्युज बहार संवाददाता
