मंसिर
१५, ललितपुर । रात्रिकालीन दुर्घटना न्यूनीकरणका लागि ललितपुर महानगरपालिकाका
प्रमुख चिरिबाबु महर्जनले कुसुन्ती र धोबीघाट क्षेत्रमा बत्ती बाल्न १० दिनभित्र
टेन्डर आह्वान गर्ने जनाएका छन् ।
ललितपुर
महानगर क्षेत्रभित्र दोस्रो चरणमा जडान गरिएको स्मार्ट सडक बत्ती उद्घाटन
कार्यक्रममा बिहीबार साँझ बोल्दै उनले क्षेत्रमा बत्ती नभएकै कारण अहिलेसम्म धोबिघाट
क्षेत्रमा ३४ जना र कुसुन्ती क्षेत्रमा २४ जनाको ज्यान गइसकेकाले अबको १० दिन भित्र
बत्ती बाल्नको लागि टेन्डर आह्वान गर्ने बताएका हुन।
सडकमा
स्मार्ट लाइटका लागि महानगरले यस वर्ष ३ करोड रुपैयाँ बजेट विनियोजन गरेको मेयर
महर्जनले जानकारि दिएका छन । यसकालागी १ करोड २० लाख विद्युत् प्राधिकरणले सहयोग गर्ने
हुँदा कुल ४ करोड २० करोड रुपैयाँ बत्तीका लागि छुट्टाइएको उबले बताए । उनका
अनुसार अब दुई वर्षको काम सकिसकेपछि ललितपुर महानगरपालिका उज्यालो हुने समेत बताएका
छन ।
मेयर
महर्जनले रात्रिकालीन अवस्थामा जहाजमा चढेर काठमाडौँ उपत्यका हेर्दा उज्यालो
देखिने सहर ललितपुर हुने बताएका छन ।
- न्युज बहार संवाददाता
