चैत
२८, काठमाडौँ । आज बुधबार नेप्से परिसूचक घटेको छ । पछिल्ला दुई
कारोबार दिन बढेको नेप्से आज भने घटेर बन्द भएको हो । यस दिन नेप्से १०.३० अंक(०.५२
प्रतिशत)ले घटेर २०२५.७० विन्दुमा बन्द भएको हो ।
आज
नेप्सेसँगै कारोबार रकम पनि घटेको छ। बजारमा यस दिन ३०८ स्टकको ६१ हजार ४२० पटकको
कारोबारमा ३ अर्ब ४८ करोड ५६ लाख रुपैयाँ बराबरको ८६ लाख ९६ हजार कित्ता शेयर
कारोबार भएको छ।
यस दिन सर्वाधिक ९.६९
प्रतिशतले माण्डु हाइड्रोपावरको शेयरमूल्य बढेको छ। यस दिन कारोबारमा आएको सिंगटी
हाइड्रोको शेयर भने नकारात्मक सर्किट लेभलमा कारोबार भएको छ।
हिमालयन रि इन्स्योरेन्स कारोबार रकमका आधारमा यस दिन शीर्ष
स्थानमा रहेको छ। उक्त कम्पनीको यस दिन १२ करोड ५४ लाख रुपैयाँ बराबरको शेयर
खरिदबिक्री भएको छ।
आज कारोबारमा आएका १३
उपसमूहमध्ये दुई उपसमूहको परिसूचक बढ्दा बाँकी ११ उपसमूहको परिसूचक भने घटेको छ ।
यस दिन सर्वाधिक १.४६
प्रतिशतले व्यापार उपसमूहको परिसूचक बढेको छ । आज सर्वाधिक २.५० प्रतिशतले वित्त
उपसमूहको परिसूचक घटेको छ।
- न्युज बहार संवाददाता
