जेठ २७, काठमाडौँ । उपभोक्ता मुद्रास्फीति अर्थात महँगीदर वैशाख महिनामा २.७७ प्रतिशत रहेको छ।
यो दर अघिल्लो
वर्षको सोही महिनामा ४.४० प्रतिशत रहेको थियो।
वैशाख
महिनासम्म खाद्य तथा पेय पदार्थ समूहको मुद्रास्फीति १.५२ प्रतिशत र गैर–खाद्य तथा सेवा समूहको
मुद्रास्फीति ३.४५ प्रतिशत रहेको नेपाल राष्ट्र बैंकको मासिक प्रतिवेदनले जनाएको
छ।
राष्ट्र
बैंकको प्रतिवेदन अनुसार खाद्य तथा पेय पदार्थ समूहअन्तर्गत घ्यु तथा तेलको मूल्य
सूचकांक ११.०८ प्रतिशत, फलफूलको
६.१५ प्रतिशत, दाल तथा
गेडागुडीको ५.१७ प्रतिशत र गैर–मदिराजन्य पेय पदार्थको ४.७० प्रतिशतले बढेको छ।
त्यसैगरी
तरकारीको
मूल्य सूचकांक ८.११ प्रतिशत, मरमसलाको २.२० प्रतिशत र माछा–मासुको ०.४८ प्रतिशतले घटेको छ।
क्षेत्रगत मुद्रास्फीतिमा काठमाडौँ उपत्यकाको मुद्रास्फीति २.६४
प्रतिशत, तराईको
२.६४ प्रतिशत, पहाडको
२.६५ प्रतिशत र हिमालको ४.०१ प्रतिशत रहेको छ।
त्यस्तै ग्रामीण
क्षेत्रमा ३.२१ प्रतिशत र सहरी क्षेत्रमा २.६१ प्रतिशतले मूल्य सूचकांक बढेको छ।
- न्युज बहार संवाददाता
