जेठ ३१, काठमाडौँ। नेप्से
परिसूचक बढ्ने क्रमले आज पनि निरन्तरता फाएको छ। परिसूचक बढिरहँदा कारोबार रकममा
पनि दैनिक सुधार आइरहेको छ।
आज बुधबार नेप्से परिसूचक १६.४२
अंकले बढेको छ।
यस दिन
नेप्से ०.८१ प्रतिशतले बढेर २०३७.०६ बिन्दुमा पुगेर बन्द भएको छ भने कारोबार रकम पनि अघिल्लो दिनको
तुलनामा बढेको छ।
गत कारोबार दिन ४ अर्ब १२ करोड रुपैयाँको
सेयर कारोबार भएकोमा यस दिन उक्त रकम बढेर ५ अर्ब १ करोड ७८ लाख ७ हजार ६८२
रुपैयाँ पुगेको छ।
आजको यो कारोबार
रकम गत पाँच महिना यताकै उच्च हो। आज नेप्सेमा दिन २७५ वटा धितोपत्रको १ करोड २५
लाख ६१ हजार ४४० कित्ता सेयर किनबेच भएको हो।
आज नेप्सेमा खप्तड लघुवित्तको सेयरमूल्य सर्वाधिक ९.९९ प्रतिशतले बढेको छ।
यस्तै यस दिन मोलुङ हाइड्रोपावरको सेयर मूल्य ५.०४ प्रतिशतले घटेर प्रति कित्ता मूल्य २३५ रुपैयाँ ५० पैसामा कारोबार भएको छ।
आज कारोबारमा आएका १३ वटा समूहगत परिसूचकमध्ये ७ समूहको परिसूचक बढेको छ भने बाँकी ६ समूहको परिसूचकमा गिरावट आएको छ।
बुधबार अन्य समूहको परिसूचक सर्वाधिक २.३५ प्रतिशतले बढेको छ।
- न्युज बहार संवाददाता
