फागुन २०, काठमाडौँ । आइतबार साताको पहिलो कारोबार दिन नेप्से परिसूचक घटेको छ । यसदिन नेप्से परिसूचक ११.७८ अंक(०.५९ प्रतिशत) ले घटेर १९६०.३० विन्दुमा बन्द भएको छ । 

यस दिन कारोबार रकममा पनि गिरावट आएको छ। यस दिन बजारमा ३०९ स्टकको ४५ हजार ४४२ पटकको कारोबारमा २ अर्ब ८ करोड २७ लाख ८६ हजार रुपैयाँ बराबरको ५५ लाख ७४ हजार कित्ता शेयर खरिदबिक्री भएको छ। घटेको बजारमा यस दिन ग्लोबल आइएमई लघुवित्त वित्तीय संस्थाको शेयरमूल्य सर्वाधिक ९.७० प्रतिशतले बढेको छ भने यस दिन सर्वाधिक ७.४९ प्रतिशतले चिरख्वा हाइड्रोपावरको शेयरमूल्य घटेको छ।

यस दिन कारोबार रकमका आधारमा सोनापुर मिनरल्स एण्ड आयल लिमिटेड शीर्ष स्थानमा रहेको छ। यस दिन उक्त कम्पनीको १३ करोड २० लाख रुपैयाँ बराबरको शेयर कारोबार भएको छ।

आइतबार १३ उपसमूहमध्ये ११ उपसमूहको परिसूचक घटेको छ भने दुई उपसमूहको परिसूचक बढेको छ । यस दिन होटल तथा पर्यटन र उत्पादन तथा प्रशोधन उपसमूहको परिसूचक सामान्य बढेको छ भने सर्वाधिक २.५२ प्रतिशतले व्यापार उपसमूहको परिसूचक घटेको छ। 

• न्युज बहार संवाददाता