कात्तिक
२६, काठमाडौँ । सोमबार साताको दोस्रो दिन नेप्से परिसूचक बढेर बन्द भएको छ।
सोमबार नेप्से परिसूचक २२.१४ अंक(०.८० प्रतिशत)ले बढेर २७६०.२१ विन्दुमा बन्द भएको छ।
यस दिन नेप्सेसँगै कारोबार रकम पनि बढेको छ। बजारमा यस दिन ३०२ स्टकको १ लाख
१३ हजार ९६४ पटकको कारोबारमा ११ अर्ब ३१ करोड ५२ लाख ७ हजार रुपैयाँ बराबरको २
करोड ४५ लाख ५७ हजार कित्ता शेयर खरिदबिक्री भएको छ।
आज ६ स्टकको शेयर
सकारात्मक सर्किट लेभलमा कारोबार भएको छ। यस दिन सपोर्ट माइक्रोफाइनान्स लायत अन्य पाछव कम्पनिको शेयर सकारात्मक सर्किट लेभलमा कारोबार भएको छ। आज
इष्टर्न हाइड्रोपावरको शेयर भने नकारात्मक सर्किट लेभलमा कारोबार भएको छ।
यस दिन कारोबार रकमका आधारमा साहस उर्जा शीर्ष स्थानमा
रहेको छ। उक्त कम्पनीको यस दिन ३८ करोड १७ लाख रुपैयाँ बराबरको शेयर खरिदबिक्री
भएको छ। आज कारोबारमा आएका १३ उपसमूहमध्ये ८ उपसमूहको परिसूचक बढेको छ भने ५
उपसमूहको परिसूचक घटेको छ।
यस दिन सर्वाधिक ३.२०
प्रतिशतले लघुवित्त उपसमूहको परिसूचक बढेको छ भने वित्त, विकास
बैंक, होटल
तथा पर्यटन, निर्जीवन
बीमा जलविद्युत उपसमूहको परिसूचक सामान्य घटेको हो।
- न्युज बहार संवाददाता
