पुस ४, काठमाडौँ। आज बुधबार सेयर बजारको परिसूचक नेप्से ३५ अंक(१.६८ प्रतिशत)ले बढेर २१४१ बिन्दुमा बन्द भएको छ ।

आज नेप्सेसँगै अघिल्लो दिनको तुलनामा कारोबार रकम पनि बढेको छ । आज नेप्सेमा ७ अर्ब ९५ लाख रुपैयाँको कारोबार भएको छ । आजको कारोबार रकम करिब १ वर्षयताकै उच्च हो । आज कुल १६१ कम्पनीको मूल्य बढेको छ भने ७८ को घट्दा ५ कम्पनिको मुल्य स्थिर रहेको छ ।

यस दिन हिमालयन डिस्टिलरी, बोटलर्स नेपाल, फरवार्ड माइक्रोफाइनान्स, एनआरएन इन्फ्रास्ट्रक्चर, लिबर्टी इनर्जी, युनाइटेड इदी मर्दी, बलेफी हाइड्रो, बीपी डब्लू लघुवित्त, नेपाल रिपब्लिक मिडिया लगायतका कम्पनिको सेयर मुल्य १० प्रतिशतले बढेको छ । कुमारी धनबृद्धी योजनाको सेयर मुल्य सर्वाधिक ३.८२ प्रतिशतले घटेको छ ।

त्यस्तै आज शिवम् सिमेन्टको सर्वाधीक कारोबार बएको छ।  

आज लगानी र उत्पादनमूलक समूहमा लगानीकर्ताको आकर्षण देखिएको छ । आज उत्पादनमूलक समूह ७.१ प्रतिशतले बढेको छ भने लगानी समूह ६.९ प्रतिशतले बढेको छ । आज ब्यापार समूह पनि ६.२ प्रतिशत बढेको छ ।

• न्युज बहार संवाददाता