माघ २९, काठमाडौँ । आज सोमबार नेप्से परिसूचक बढेर बन्द भएको छ । साताको दोस्रो कारोबार दिन नेप्से परिसूचक १५.३३ अंक(०.७३ प्रतिशत) बढेर २१०१.१६ विन्दुमा बन्द भएको छ । यस दिन नेप्से बढेपनि कारोबार रकममा भने गिरावट आएको छ । यस दिन ३१४ स्टकको ७५ हजार १०५ पटकको कारोबारमा ३ अर्ब ५८ करोड ६९ लाख ८४ हजार रुपैयाँ बराबरको १ करोड १ लाख ८ हजार कित्ता शेयर खरिदबिक्री भएको छ ।
यस दिन ५ स्टकको शेयर सकारात्मक सर्किट लेभलमा कारोबार भएको छ। यस दिन समाज लघुवित्त, बोटलर्स नेपाल (बालाजु), चिरख्वा हाइड्रोपावर, कुथेली बुखरी स्मल हाइड्रोपावर र बलेफि हाइड्रोपावरको शेयर सकारात्मक सर्किट लेभलमा कारोबार भएको छ भने एनआईसी एशिया ग्रोथ फण्ड २ को इकाईमूल्य यस दिन सर्वाधिक ८.८९ प्रतिशतले घटेको छ।
यस दिन हिमालयन रि इन्स्योरेन्सको सर्वाधिक कारोबार भएको छ ।
यस दिन १३ उपसमूहमध्ये एक उपसमूहको परिसूचक घटेको छ भने १२ उपसमूहको परिसूचक बढेको छ । यस दिन सर्वाधिक २.२२ प्रतिशतले उत्पादन तथा प्रशोधन उपसमूहको परिसूचक बढेको छ। यस दिन कारोबारमा आएको अन्य उपसमूहको परिसूचक ०.०५ प्रतिशतले घटेको छ।
- न्युज बहार संवाददाता
