फागुन ११, काठमाडौँ । मौसम पूर्वानुमान महाशाखाका अनुसार हाल नेपालमा पश्चिमी न्यून चापीय प्रणालीको प्रभाव रहेको छ। यसको प्रभावले देशभर मौसममा आंशिकदेखि साधरणतया बदली रहेको छ ।
आज शुक्रबार दिउँसो कोशी प्रदेश लगायत देशको पहाडी भूभागमा आंशिकदेखि साधरणतया बदली रही बाँकी भूभागमा मौसम मुख्यतया सफा रहने छ भने गण्डकी प्रदेश र कोशी प्रदेशको पहाडी भूभागको एक–दुई स्थानमा छिटपुट देखि हल्का वर्षाको सम्भावना समेत रहेको छ । आज बागमती प्रदेश, गण्डकी प्रदेश र कोशी प्रदेशको उच्च पहाडी तथा हिमाली भूभागका थोरै स्थानहरूमा हल्का हिमपातको पनि सम्भावना रहेको छ ।
त्यसैगरी आज शुक्रबार राति कर्णाली प्रदेश, कोशी प्रदेश र गण्डकी प्रदेशका पहाडी भू-गमा आंशिक बदली रही बाँकी भूभागमा मौसम मुख्यतया सफा रहने छ भने यी तिन प्रदेशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ ।
- न्युज बहार संवाददाता
