बैशाख १७, काठमाडौँ । मौसम पूर्वानुमान महाशाखाका अनुसार हाल नेपालमा पश्चिमी वायु र स्थानीय वायुको आंशिक प्रभाव रहेको छ ।  यसको प्रभावले आज सोमबार सुदूरपश्चिम प्रदेश लुम्बिनी प्रदेश र कर्णाली प्रदेश लगायत  देशको पहाडी भू-भागमा आंशिक देखि साधरणतया बदली रही बाँकी भू-भागको मौसम सफा रहेको छ । 

आज दिउँसो सुदूरपश्चिम प्रदेश, कर्णाली प्रदेश, गण्डकी प्रदेश र कोशी प्रदेशको पहाडी भू-भागका एक-दुई स्थानमा मेघगर्जन/चट्याङसहित हल्का वर्षाको सम्भावना रहेको छ। हिमाली क्षेत्रमा हिमपात र कोशी प्रदेश, मधेस प्रदेश र लुम्बिनी प्रदेशका केही र बाँकी भू-भागको थोरै स्थानहरूमा हावा-हुरीको पनि सम्भावना रहेको छ।

आज राति देशको पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहनुका साथै कर्णाली प्रदेश र गण्डकी प्रदेशको पहाडी भू-भागका एक-दुई स्थानमा मेघगर्जन र चट्याङसहित हल्का वर्षाको  सम्भावना रहेको छ भने साथै कोशी प्रदेश र लुम्बिनीका तराईका केही स्थानहरू र बाँकी भू-भागको थोरै स्थानहरूमा हावा-हुरीको पनि सम्भावना रहेको छ।

• न्युज बहार संवाददाता